Humor kupang - Tiga jurus tembak metu.....

Ako deng Lipus bakawan bae...cuma akhir-akhir ni dorang dua ada batengkar gara-gara dorang dua sama-sama naksir harim satu nama Mince..
Satu kali dorang dua bakatumu..
Lipus: "Ako ee...qitong dua babae su. Masa hanya gara-gara itu perempuan sond jelas tu qitong jadi bamarah begini ni??"
Ako: "Perempuan sond jelas ma lu naksir dia ju to??"
Lipus: "Begini sa Ako.. Karmana kalo qitong selesaikan ini masalah pake 3 jurus tendangan.."
Ako: "Maksudnya??"
Lipus: "Begini....pertama b tendang lu 3 kali, abis itu baru lu tendang b le 3 kali. Sapa yg minta menyerah, dia kalah. Yg bertahan na dia yg dapa Mince."
Ako: "Hooo...begitu ju bae. Pokoknya sapa yg minta menyerah na dia mundur secara teratur ee??"
Lipus: "Ia, kawan.."
Ako: "Ho na kalo begitu na lu tendang b duluan su. Kasian lu, badan tipis ana begini ni.."
Lipus: "Okee....."
Ako pasang badan, Lipus ame kuda-kuda.. Lipus biar badan tipis ana sa ma baptua ada pake sepatu bot.
Lipus tendang duluan ser Ako pu pantalobang. Tapa pas Ako pung tulang ekor! Ako langsung tadudu...
1 kali tendangan selesai...Ako sond menyerah..
Ako bediri le...Lipus ame kuda-kuda, tendang putar pas Ako pung rahang! Ako jatoh panjang...
Tendangan kedua, Ako tetap blom menyerah..
Ako bediri lagi.. Lipus antrek belakang, lari menuju Ako baru lompat tendang pas Ako pu ulu hati! Deng suara "Uhghghh...." Ako jatoh laloli..
Tendangan ke-3 selesai, demi Mince Ako tetap bertahan..
Ako bangun deng gamatar-gamatar..
Ako: "(tarek napas babae) Sudah to, kawan?? Sekarang b pu giliran le!!!"
Lipus: "Sudah, Ako.. BETA MENYERAH!! LU MENANG, LU SOA SUDAH ITU MINCE TU.."
Ako: "..@*+=..)(!?../&%¤£..=+><_.??!.."
Lusanya Ako ka-ce Mince..
Ako: "Mince, b mau deng lu. Lu mau jadi b pu maitua ko sonde?"
Mince: "Aduh jang marah, Ako.. Su ada orang laen di b pu hati.."
Ako: "Sapa?"
Mince: "LIPUS..."
Ako: "Adoohhh mama ee..." (stroke kaget)
HAHAHAHAHAHAAAA....

length/3); var r=t.lastIndexOf(" "); if(r>0) {obj0.innerHTML=s.substr(0,r);obj1.innerHTML=s.substr(r+1);}